နိုင်ငံတော်သံဃမဟာနာယကအဖွဲ့ ရွေးချယ်ဖွဲ့စည်းရန် ကြီးကြပ်ခြင်း

၁။နိုင်ငံတော်သံဃမဟာနာယကအဖွဲ့သည် သင့်လျော်သော နိုင်ငံတော် ဩဝါဒါစရိယ ဆရာတော် ကြီးများဖြင့် ကြီးကြပ်ရေး အဖွဲ့ကို ဖွဲ့စည်း၍ နိုင်ငံတော်သံဃမဟာနာယက ရွေးချယ်မှုနှင့် နိုင်ငံတော် ဗဟိုသံဃာ့ဝန်ဆောင် မူလရွေးချယ်မှုများကို ကြီးကြပ် ဆောင်ရွက်ပေးတော်မူပါရန် လျှောက်ထား ရမည်။ (သံ/စည်း၊ အပိုဒ်-၃၇)
၂။လစ်လပ်သွားသော သံဃသမ္မုတိရ သံဃာ့ကိုယ်စားလှယ် ဆရာတော်, ဝိနည်းဓိုရ်ဆရာတော်, အဆင့်အသီးသီးမှ သံဃာ့ဝန်ဆောင်ဆရာတော်, သံဃနာယကဆရာတော်နှင့် ဩဝါဒါစရိယ ဆရာတော်တို့၏ နေရာများ၌ လုပ်ထုံးလုပ်နည်း နှင့်အညီ အစားထိုး ရွေးချယ်ရမည်။ (သံ/စည်း၊အပိုဒ်-၅၀)
၃။နိုင်ငံတော်သံဃမဟာနာယကအဖွဲ့သည် သင့်လျော်သည့် နိုင်ငံတော်ဩဝါဒါစရိယ ဆရာတော်ကြီး ၃-ပါးမှ ၁၅-ပါးအထိ ပါဝင်သော နိုင်ငံတော်သံဃမဟာနာယကနှင့် နိုင်ငံတော်ဗဟိုသံဃာ့ဝန်ဆောင် မူလရွေးချယ်မှု ကြီးကြပ်ရေးအဖွဲ့ကို ဖွဲ့စည်း၍ လုပ်ငန်းတာဝန်များကို သတ်မှတ်လျက် ကြီးကြပ်ပေးတော်မူရန် လျှောက်ထားတောင်းပန်ရမည်။ (သံ/လုပ်ထုံး၊ အပိုဒ်-၉၀)
၄။နိုင်ငံတော်သံဃမဟာနာယကအဖွဲ့သည် နိုင်ငံတော်ဩဝါဒါစရိယဆရာတော်(၁)ပါး၊ နိုင်ငံတော် သံဃမဟာနာယက ဆရာတော်(၂)ပါး ပါဝင်သော နိုင်ငံတော်ဩဝါဒါစရိယ၊ နိုင်ငံတော်သံဃမဟာ နာယက အစားထိုးလျာထားရွေးချယ်မှု ကြီးကြပ်ရေးအဖွဲ့ကို ဖွဲ့စည်း၍ လုပ်ငန်းတာဝန်များကို သတ်မှတ်လျက် ကြီးကြပ်ပေးတော်မူပါရန် လျှောက်ထားတောင်းပန်ရမည်။ မှတ်ချက်။   ။သံဃနာယကအဖွဲ့အသီးသီးသည် သက်ဆိုင်ရာ ကြီးကြပ်ရေးအဖွဲ့များ၏ ဥက္ကဋ္ဌနှင့် အကျိုးတော်ဆောင်များကို သတ်မှတ်ပေးရမည်။ (သံ/လုပ်ထုံး၊ အပိုဒ်-၉၁)
၅။ကြီးကြပ်ရေးအဖွဲ့သည် ရွေးချယ်ဖွဲ့စည်း/သတ်မှတ်မှုကို သတ်မှတ်ထားသည့် ရက်အတွင်း  ပြီးမြောက်အောင် လုပ်ထုံးလုပ်နည်းများ နှင့်အညီ ဆောင်ရွက်ရမည်။(သံ/လုပ်ထုံး၊ အပိုဒ်-၉၂)
၆။နိုင်ငံတော် သံဃမဟာနာယက အစားထိုး ရွေးချယ်ပွဲသို့ သက်ဆိုင်ရာ တိုင်းဒေသကြီး/  ပြည်နယ်အတွင်းရှိ နိုင်ငံတော်ဗဟို သံဃာ့ဝန်ဆောင် ဆရာတော်များကိုသာ တက်ရောက်ခွင့်ပြုရမည်။  သံ/လုပ်ထုံး၊ အပိုဒ်-၉၂(ဂ)
၁၁။ပထမအစည်းအဝေးကျင်းပပြီးသည့် နောက်တစ်နေ့မှစ၍ အဖွဲ့ငယ်(၃)ဖွဲ့တို့သည် စတင် ရုံးထိုင်ကာ အဖွဲ့ငယ် တစ်ဖွဲ့ချင်းစီ၏ ခေါင်းဆောင်ဆရာတော် ရွေးချယ်သတ်မှတ် တင်မြှောက်၍ နိုင်ငံတော်သံဃမဟာနာယကအဖွဲ့ထံ တင်ပြလာသော ဝင်စာများ ဖတ်ရှုတော်မူကြပြီးလုပ်ငန်းများ စတင်ဆောင်ရွက်တော်မူကြပါသည်။
၁၂။အဖွဲ့ငယ်ဆရာတော်များက တင်ပြလာသော စာများအနက် သက်ဆိုင်ရာဌာန များသို့ ညွှန်ကြားရန် မှတ်ချက်ပြုခြင်း၊ အဖွဲ့ငယ်၏ မှတ်ချက်ပြု အဆုံးအဖြတ်ဖြင့် မပြီးပြတ်နိုင်ပါက အဖွဲ့ခွဲ (၁၅)ပါး အစည်းအဝေးသို့ တင်ပြရန် မှတ်ချက်ပြုခြင်းများ ဆောင်ရွက်တော်မူကြပါသည်။